Nareskyu ng mga tauhan ng National Bureau of Investigation ang 7 babae kabilang na ang 3 menor de edad matapos iblackmail ng isang lalaki sa Biñan, Laguna.
Ayon sa mga biktima, niyaya umano silang makipag inuman ng isang lalaki kapalit ng pera pero nagulat na lamang sila matapos silang ibugaw sa online.
Agad na nakatanggap ng report ang mga otoridad mula sa isang concerned citizen at agad na nagsagawa ng operasyon dahilan ng pagkakareskyu sa mga biktima.
Sa ngayon, tinutugis na ng NBI-Biñan ang suspek sa pambubugaw habang isasailalim naman sa rehabilitasyon at counseling ng DSWD ang mga menor de edad. —sa panulat ni Angelica Doctolero
