Kulong ang pitong indibidwal matapos bugbugin ang pulis na rumesponde sa naganap na riot sa Tondo, Maynila.
Kuwento ni Police Corporal Marvin Floyd Aguilar, sinubukan lang niyang pumagitna sa nagkakainitang grupo nang bigla na lang siyang sinuntok ng isa sa mga ito at tutukan ng baril.
Batay sa imbestigasyon, nang hindi pumutok ang baril ng lalaki ay doon nakahanap ng tyempo si Aguilar na paputukan sa ibabang bahagi na katawan nito.
Naitakbo naman agad ang suspek sa ospital, habang inaresto ang anim pang kasamahan nito.
Haharap sa patong-patong na kaso ang mga suspek gaya ng direct assault, attempted murder, murder, breach of peach, drinking in public places at illegal possession of firearms and ammunition.—mula sa panulat ni Joana Luna
