Pitong kabataan sa Pasay City na may edad 15 hanggang 22 ang pinangangambahang dinukot.
Ayon kay Police Col. Bernard Yang, hepe ng Pasay police, nakapag report na sa kanya ang pitong magulang hinggil sa nawawala nilang anak.
May iba pa anya na may kahalintulad na karanasan subalit hindi pa nagtutungo sa kanyang tanggapan.
Batay sa mga nakalap nilang impormasyon, tatlo sa mga nawawala ay magkakaibigan at nagpa alam lang na may kakatagpuin subalit hindi na umuwi ng bahay.
Sa ngayon, sinabi ni Yang na nangangalap na sila ng CCTV footages sa mga lugar kung saan huling nakita ang mga nawawalang kabataan.
