Sugatan ang pito (7) katao sa naganap na pagsabog sa isang palengke sa Isulan, Sultan Kudarat dakong alas syete ng umaga ngayong araw.
Ayon kay Isulan municipal police station Chief Police Lieutenant Colonel Joven Bagaygay, nangyari ang pagsabog sa parking area ng mga motorsiklo na matatagpuan sa harapan ng palengke.
Dahil dito ay sarado ang pangunaging kalsada sa mga motorista maging ang ilang establisyimento sa paligid ng pinangyarihan ng insidente.
Hanggang sa ngayon ay iniimbestigahan pa rin ng mga otoridad ang nangyaring pagsabog.
Tinitignan din kung ito ba ay gawa ng isang teroristang grupo.
Samantala, isinugod naman sa pinakamalapit na ospital ang mga sugatan.
