Pito na ang naitalang patay habang dalawa ang sugatan sa sunog na sumiklab sa lungsod ng Halifax sa Canada, kahapon.
Ayon sa mga otoridad, pitong bata na may edad tatlong buwan hanggang 17 at pawang miyembro ng isang Syrian family ang mga nasawi.
Isa naman sa mga sugatan ay nasa kritikal na kalagayan.
Ayon sa mga bumbero, mabilis na kumalat ang sunog sa una at ikalawang palapag ng bahay.
Umabot din anila ng halos isang oras bago nila nakontrol ang sunog.
Patuloy pa rin ang imbestigasyon ng mga otoridad hinggil sa sanhi ng sunog.
Samantala, nagpahayag naman ng pakikidalamhati si Canadian Prime Minister Justin Trudeau sa pamilya ng mga nasawi.
