Nasawi sa isang landmine explosion ang pitong tao, kabilang ang isang bata sa Syria.
Ayon sa Syrian Observatory for Human Rights sakay ang pitong pasahero ng isang kotse habang binabaybay ang Desert Road sa lungsod ng Palmyra bago naganap ang pagsabog.
Naiulat na apat na lalaki, dalawang babae at isang bata ang nasawi.
Ang nasabing landmines na ibinaon sa kabukiran, kalsada at iba’t-ibang mga establisyemento sa decade-long conflict ng Syria ay nakapagdulot na ng panganib sa buhay ng libu-libong sibilyan at kumitil sa buhay ng daan-daang iba pa.—sa panulat ni Joana Luna
