Patay ang pitumpung (70) miyembro ng local defense group matapos salakayin ng mga armadong lalaki sa Northwest region ng Nigeria.
Ayon sa mga otoridad, isang linggo nang nagpapatuloy ang karahasan sa lugar matapos ang pag-atake ng mga armadong grupo.
Sa pahayag ni John Mani, lider ng Civilian Defense Force, tinambangan ang kanilang grupo habang tinutugunan ang mga tawag mula sa ilang malalayong nayon.
Sa imbestigasyon, tumutulong ang defense group sa mga residente mula sa karahasan ng pagbabarilin ng mga armadong lalaki.
Patuloy pang iniimbestigahan ng mga otoridad ang naganap na insidente. —sa panulat ni Angelica Doctolero
