Aabot sa 700 pwesto ang natupok ng apoy matapos masunog ang palengke sa Paniqui, Tarlac.
Ayon sa Bureau of Fire Protection (BFP) ng Paniqui, kasalukuyang inaalam pa ang dahilan ng naging sanhi ng sunog na nagsimula umano sa dry goods section ng palengke.
Umabot sa general alarm ang sunog sa dami ng ari-ariang natupok ng apoy.
Sa ngayon ay pansamantalang pinayagang magtinda ang mga biktima ng sunog habang hindi pa naitatayo ang paglilipatan sa kanila.
