Umabot na sa mahigit pitong daang libong doses (711K) ng mga bakuna kontra COVID-19 ang naiturok na sa mga residente ng Cagayan De Oro.
Ayon kay City Mayor Oscar Moreno, nakapagtala ng labing dalawang libong indibidwal na nabakunahan kung saan ito ang pinakamataas na vaccination turnout ng naturang lungsod sa loob ng isang araw.
Kaugnay nito, pinuri ng alkalde ang vaccination team at lahat ng tumulong sa pagbabakuna.
Samantala, pinaigting naman ni moreno sa ang kampanya laban sa mga pekeng vaccination cards.
Napag-alaman aniya ng mga otoridad na may mga establisyimento tulad ng internet cafe at printing shop na gumagawa ng mga pekeng vaccination cards upang makapasok ang mga indiidwal sa mga indoor establishment kung saan ipinatupad ang polisiyang “no vaccine, no entry.” —sa panulat ni Airiam Sancho
