Pitumpu’t isa (71) katao ang patay matapos bumagsak ang isang commercial airlines sa Russia.
Lulan ang nasa animnapu’t limang (65) pasahero at anim (6) na crew ng eroplanong patungo sa syudad ng Orsk sa Orenburg Region malapit sa border ng Kazakhstan mula sa Domodedovo Airport sa Moscow.
Batay sa ulat bigla na lamang nawala sa radar ang nasabing eroplano ilang minuto makalipas itong lumipad.
Agad namang naglunsad ng search and rescue operation ang mga awtoridad matapos maulat ang pagkawala ng eroplano.
Patuloy naman ang imbestigasyon kaugnay sa dahilan ng pagbagsak ng commercial plane na pag-aari ng Saratov Airlines.
—-
