Inaresto ng mga awtoridad ang 8-katao sa barangay San Juan sa Taytay sa Rizal, dahil sa ilegal na pagsasabong gayong may umiiral na general community quarantine (GCQ) kontra coronavirus disease 2019 (COVID-19) pandemic.
Kinasa ang naturang pagsalakay sa ilegal na sabungan sa Damayan Floodway ng mga miyembro ng intelligence team ng Taytay Municipal Police.
Narekober sa naturang operasyon, ang dalawang panabong na manok, mga tari at higit P2,000 na hinihinalang pusta ng mga sabungero.
Kasunod nito, nahaharap ang mga suspek sa kasong paglabag sa anti-illegal gambling sang-ayon sa presidential decree.
