Suagatan ang walo (8) katao sa nangyaring pagsabog sa Cotabato kagabi, Pebrero 7.
Kinilala ang mga nasugatan na si Pantar Banisilan Barangay Chairman Sonny Kadil at pitong (7) kamag-anak nito.
Ayon sa Cotabato police, dalawang (2) salarin ang naghagis ng granada sa plaza ng bayan ng Banisilan kung saan target ng mga ito ang kapitan na si Kadil.
Mabilis namang tumakas ang mga salarin.
Kasalukuyang nagpapatuloy ang imbestigasyon ng mga otoridad kung saan rido o away pamilya ang nakikitang motibo sa naturang pag-atake.
