Sugatan ang walong katao sa salpukan ng bus at ambulansya sa bahagi ng EDSA sa lungsod ng Pasay.
Mababatid na nanggaling sa bahagi ng Macapagal Boulevard ang pampasaherong bus at papunta ito sa Taft nang magkasalpukan ang dalawang sasakyan.
Dahil dito, nabasag ang windshield ng bus maging ang mga salamin sa bintana nito.
Sa paunang imbestigasyon, kabilang sa mga nasugatan ang mga sakay ng ambulansya kasama ang isang buntis na ginang.
Mabuti na lamang ay conscious o may malay ang mga sugatang sakay ng ambulansya at bus.
Agad namang nilapatan ng paunang lunas ang mga biktima ng naganap ng banggaan.
