Patay na nang matagpuan ng mga otoridad ang 8 miyembro ng isang pamilya, kabilang ang limang bata, sa loob ng kanilang tahanan sa siyudad ng Enoch sa Utah.
Sa imbestigasyon ng mga otoridad, nagtamo ng tama ng bala sa katawan ang mga biktima na ikinasawi ng mga ito.
Nadiskubre ang sitwasyon ng naturang pamilya makaraang magsagawa ng welfare check ang mga pulis.
Ayon kay City Manager Rob Dobson, kilala ang nasabing pamilya sa siyudad kaya’t marami ang nalungkot sa sinapit ng mga ito.
Sa ngayon ay nagpapatuloy ang imbestigasyon ng mga otoridad sa insidente at tiniyak na walang anumang banta sa seguridad sa nasabing lugar.
