Walo (8) ang patay sa bakbakan ng militar at bandidong Abu Sayyaf sa Patikul Sulu kahapon.
Ayon kay AFP Joint Task Force Sulu Commander Brig. Gen. Alan Arrojado, nangyari ang insidente sa Sitio Maggi, Barangay Panglayahan sa nasabing lugar.
Humigit kumulang 100 miyembro ng Abu Sayyaf ang nakasagupa ng militar sa nasabing lugar na ikinasawi ng isang sundalo at pitong bandido.
Habang tig-anim naman ang naitalang sugatan sa magkabilang panig, dahilan para ilipad ng Air Force ang mga nasawi at sugatang sundalo.
Kasunod nito, sinabi ni Arrojado na pinalibutan na rin ang buong paligid ng barangay panglayahan upang masukol ang mga aali-aligid na bandido sa lugar.
By Jaymark Dagala | Jonathan Andal
