Nailipat na ang isa pang person of interest mula sa Intelligence Service of the Armed Forces of the Philippines Detention Facility sa kustodiya ng National Bureau of Investigation (NBI).
Ayon kay Justice Department Spokesman Assistant Secretary Mico Clavano na ito na ang ang ika walong person of interest sa kasong Percy Lapid na binanggit ni Justice Secretary Jesus Crispin “Boying” Remulla noong Miyerkules.
Sa walong persons of interest, lima ang nasa kostudiya ng Department of Justice (DOJ) habang ang tatlo ay nasa kostudiya ng Philippine National Police (PNP).
Sinabi pa ni Clavano na maaring makunan na rin ngayon ng salaysay ang ikawalong person of interest.
Sinabi naman ni Philippine National Police Chief General Rodolfo Azurin, Jr. Na si Bantag ay kabilang sa 160 personalidad na itinuturing na “persons of interest” sa naturang kaso.
