Tinatayang aabot sa Walong Daang tauhan ng Police Security and Protection Group ng Pambansang Pulisya ang nakabalik na sa Kampo Crame
Ito’y para sumailalim sa Accounting and Consolidation matapos ang kanilang pagbabantay sa mga kumandidato nuong nakalipas na halalan
Ang mga nasabing tauhan ang siyang nagbigay proteksyon sa mga kandidato, government leaders at ilang pribadong indibiduwal mula nang magsimula ang election period nuong Enero 10.
Ayon kay PSPG Director C/Supt. Alfred Corpus, muli nilang ide-deploy sa mga pulitiko ang kanilang mga tauhan na magrerequest naman ng security detail
Paalala lamang ni Corpus sa mga pulitiko, huwag gawing alalay ang kanilang mga security detail tulad ng taga-bitbit ng bag o taga-tulak ng push cart kapag nag-go-grocery.
By: Jaymark Dagala
