Patay ang 84-anyos na lola sa Misamis Oriental, matapos pagkaisahang sunugin ng kaniyang mga kamag-anak.
Naganap ang krimen noong linggo sa Sitio Palipi, Barangay Baliwagan, sa Bayan ng Balingasag, Misamis Oriental.
Ayon kay Balingasag Municipal Police Station, Investigator Police Staff Sergeant Robert John Galdo, pwersahang binuhat ng 11 katao ang matanda na kinabibilangan ng kaniyang apo, anak at kamag-anak at inihagis sa apoy.
Pagkatapos nito, nag-alay ng dasal o ritwal ang mga suspek habang pinapanood na nasusunog ang matanda.
Natuklasan din sa imbestigasyon na wala pang kain ang mga suspek dahil magdamag silang nagdarasal.
Sa ngayon, naaresto na ang pito sa mga suspek habang apat ang pinaghahanap.
Kasong Parricide ang isasampa laban sa kanila.
