Away sa relihiyon.
Ito ang isa sa mga posibleng dahilan sa panununog ng isang pamilya sa kanilang 84 anyos na lola sa Balingasag, Misamis Oriental.
Ayon kay Police Colonel Gonzalo Villamor, Jr., OIC ng Misamis Oriental Provincial Police Office, nagalit kay Lola Teofila Camungay ang apong si Crisanto Ercilla na gustong magtayo ng sariling paksyon nang kinabibilangang grupo.
Sinabi ni Villamor na inihayag ni Ercilla na tila may nagbulong sa kanyang sentensyahan sa apoy si Lola Teofila dahil sa pagnanais nitong manatili sa kanilang relihiyon.
Iniimbestigahan nila aniya ang posibleng kinalaman ng organisasyon sa nangyari kay Lola Teofila bagamat tanging ang mga miyembro pa lamang ng pamilya nito ang kinasuhan nila ng parricide.
