Umabot sa halos 845 ang mga na-stranded na pasahero sa Matnog Port sa Bico l dahil sa masamang panahon.
Sa inilabas na pahayag ng Philippine Coast Guard- District Bicol, ang 845 na naitalang bilang ng mga hindi nakabiyahe ay kinabibilangan ng mga driver at cargo helpers at mismong pasahero ng cargo.
Ayon sa PAGASA, makararanas ng pag-ulan, pagkulog at pagkidlat ang Bicol region dahil sa Shearline. Habang hanging amihan naman ang makaaapekto sa Luzon.
Kaugnay nito, nagbabala rin ang PAGASA sa posibleng pagbaha at pagguho ng lupa sakaling magtuloy-tuloy ang malakas na ulan sa Bicol region.—mula sa panulat ni Joana Luna
