Tinatayang aabot na sa 85 ang kumpirmadong nasawi makaraang sumabog ang isang tangke ng Liquified Petroleum Gas (LPG) sa Madhya Pradesh sa bansang India.
Nangyari ang pagsabog habang nag-aagahan ang maraming tao sa isang restaurant sa bayan ng Petlawad.
Agad namang lumabas ng nasabing kainan ang mga tao ngunit nasundan pa ito ng isa pang pagsabog dahilan upang dumami pa ang mga nabiktima.
Sinasabing malapit lamang ang naturang restaurant sa imbakan ng mga gelatin sticks na pangunahing gamit sa pagpapaguho ng isang gusali.
By: Jaymark Dagala
