Hindi bababa sa siyam (9) ang nasawi habang nasa dalawampu’t apat (24) ang sugatan sa pagsabog ng bomba sa isang sasakyan sa Bogota, Colombia.
Batay sa ulat, bumangga muna ang sasakyan sa gusali ng General Santander School bago ito sumabog.
Samantala, tinawag namang miserable terrorist act ni Colombia President Ivan Duque ang nasabing pag-atake laban sa kanilang mga pulis.
Agad ding pinakilos ni President Duque ang Colombia Security Forces para matukoy ang nasa likod ng nasabing pag-atake bagama’t hindi pa malinaw kung nakatakas o kabilang sa nasawi ang salarin sa insidente.
—-
