Kuntento ang mayorya ng mga Pilipino sa pagtugon ng Marcos administration sa Covid-19 sa bansa.
Ito ang lumabas sa pinakabagong survey ng OCTA Research.
Batay sa resulta ng Tugon Ng Masa (TNM) Fourth Quarter 2022 Survey, 92 percent ng mga Pinoy ang nagsabing aprub sa kanila ang pagtugon ng national government upang maiwasan ang paglaganap ng sakit.
Mas mataas ng 10 percent ang approval rating na ito kumpara sa huling TNM survey na isinagawa noong March 2022.
Napag-alaman na isinagawa ang survey noong October 23-27, 2022 sa 1,200 respondents sa National Capital Region (NCR), Balance Luzon, Visayas at Mindanao.
