Pinalaya ng Bureau of Corrections (BuCor) ang nasa 93 mga bilanggo ng New Bilibid Prisons (NBP).
Ayon kay BuCor Spokesperson Gabriel Chaclag, 86 sa mga pinalaya ay nabigyan ng parole, anim ang napawalang sala sa kaso habang isa ang natapos na ang sentensiya.
Nasa 27 naman aniya ang mula sa maximum security compound, 43 mula sa medium security, 19 mula sa minimum security at apat ang mula sa BuCor extension facility.
Pagtitiyak ni Chaclag, ikinunsidera ng Board of Pardons and Parole ang lahat ng salik sa pagbibigay ng parole kabilang na ang naging pag-uugali ng bilanggo habang nasa loob ng piitan.
Samantala, pinabaunan naman ng BuCor ang mga lumayang inmates ng mga hygiene kits at transportation allowance para matiyak ang ligtas nilang pag-uwi.
