Syamnapu’t syam na porsyento (99%) ng mga Pilipino sa Hong Kong ang ayaw umuwi sa bansa sa kabila ng tumitinding karahasan ng mga kilos protesta doon.
Ayon kay Philippine Consul General Raly Tejada, nakaka-agapay naman ang mga Pilipino sa sitwasyon ngayon sa Hong Kong.
Araw-araw anya ang pagpapalabas nila ng anunsyo kung saan ang mga protesta upang maiwasan ito ng mga OFWs.
Sa 240,000 Pilipino anya sa Hong Kong, tatlo hanggang apat na ang nawalan ng trabaho matapos umalis sa Hong Kong ang kanilang amo.
