Pumalo na sa 99 na trak ng basura ang nahakot sa Quiapo Church at Quirino Grandstand sa Maynila.
Ito ay matapos ang pagdaraos ng Pista ng Poong Itim na Nazareno, kung saan bumuhos ang bilang ng tao sa naturang lungsod.
Ayon kay Princess Abante, opisyal ng Manila Public Information Office, aabot sa 265 metriko toneladang basura ang kanilang nakolekta, mula Enero 6 hanggang 10.
Mas mataas na ito kumpara sa nakalipas na panahon kung saan noong 2020 ay nakakolekta ng 88 trak, 57 noong 2021 at 34 noong 2022.
