Inamin ng American singer na si Aaron Carter na isa siyang bisexual.
Sa kanyang Twitter post sinabi ni Aaron na na-aattract o nagkakagusto siya sa babae o sa kapwa lalaki.
Aniya, una niyang naramdaman ito noong siya ay 13-taong gulang pa lamang at inaming unang beses na nagkaroon ng relasyon sa kapwa lalaki noong siya ay 17-anyos.
Una nang ibinahagi ni Aaron ang pagkakaroon ng eating disorders at problema sa adiksyon.
Si Aaron ay ang nakababatang kapatid ni Nick Carter na dating miyembro ng Backstreet Boys.
Ilan sa mga sumikat na awitin nito ay ang “Crush on You” at “I’m Gonna Miss You Forever.”
By Krista de Dios
