Pinabulaanan nina dating health secretary Janette Garin at dating budget secretary Butch Abad ang mga alegasyon laban sa kanila hinggil sa dengvaxia vaccine controversy.
Ito’y makaraang irekomenda ng Kamara na kasuhan na ang lahat ng nasa likod ng naturang isyu.
Giit ni Abad, walang basehan ang mga reklamo laban sa kanila.
Posible pa anyang maamyendahan o mabasura ang rekomendasyon na kasuhan sila dahil hindi pa pinal ang committee report at nakatakda pa itong talakayin sa plenaryo ng Kamara.
Wala rin anyang nangyaring sabwatan at malinis ang konsensya nito hinggil sa naturang alegasyon.
