Mas dapat manawagan si Congresswoman Abigail Binay ng ‘ceasefire’ sa kanilang mga sarili at mga kaalyado.
Ayon kay Senator Chiz Escudero, ito’y dahil sa kampo umano ng mga Binay nanggagaling ang mga batikos at isyu na ipinupukol kay Sen. Grace Poe.
Naniniwala si Escudero na walang ‘word war’ na namamagitan sa kampo ni Poe at mga Binay dahil ginagawa lang ng senadora ang tungkuling sagutin ang mga isyu at ipagtanggol ang sarili sa mga atake laban sa kanya.
Giit ni Escudero, hindi makatwirang gawan ng isyu si Sen. Poe nang dahil lang pagpirma nito sa senate report na nagrerekomenda ng kasong plunder laban kay VP Binay.
By Jelbert Perdez | Cely Bueno (Patrol 19)
