Mabigat ang sitwasyong pangkalusugan ngayon ng dating Pangulong Gloria Arroyo.
Ayon kay Atty. Larry Gadon, isa sa mga abogado ni Ginang Arroyo, hirap pa ring lumunok ng pagkain hanggang ngayon ang dating Pangulo kaya’t bumagsak na ang pangangatawan nito.
Bukod sa problema sa kanyang spine, dalawang beses na ring naoperahan ang dating Pangulo sa kanyang leeg.
Dahil dito, patuloy pa ring umaasa ang kampo ni Ginang Arroyo na payagan ito ng korte na makapagpagamot sa Estados Unidos.
“Talagang napakahirap ng sitwasyon niya, ang dapat na gawin talaga para sa kanya ay payagan siyang makapagpagamot sa US sapagkat merong isang center sa US na nag-iispecialize sa kanyang karamdaman na wala dito sa atin.” Pahayag ni Gadon.
By Len Aguirre | Kasangga Mo Ang Langit
