Patay sa pamamaril ang Vice Mayor ng Ronda Cebu na si Atty John Ungab na nagsisilbi ring abogado ng umano’y drug lord na si Kerwin Espinosa.
Ayon kay Supt. Reyman Tolentin, tagapagsalita ng PNP region 7, tinamaan ng bala sa batok si Atty. Ungab nang barilin ang sasakyan nito ng dalawang lalaking nakasakay sa motorsiklo, kaninang alas dose ng tanghali.
Galing si Atty. Ungab sa Cebu City Hall of Justice para sa isang pagdinig sa kaso ng kliyenteng si Espinosa.
Kasama ni Ungab sa loob ng sasakyang ang asawang si Pearl na swerteng hindi tinamaan ng bala.
Naisugod pa sa ospital si Atty Ungab pero idineklara ring wala nang buhay, kaninang alas dos ng hapon.
