Comatose ang isang Pilipinong abogado sa US matapos pagbabarilin sa loob mismo ng inupahang Uber Car sa Philadelphia, Pennsylvania.
Kinilala ni Elmer Cato, Philippine Consulate General sa New York ang biktima na si John Albert “Jal” Laylo, 36- anyos.
Patungo sana ang biktima sa Airport kasama ang kaniyang ina para sa kanilang flight pa-Chicago nang pagbabarilin ng hindi nakikilalang salarin ang sinasakyan nilang Uber.
Isa sa anim na bala ang tumama sa ulo ng Abogado dahilan para ideklara itong brain-dead sa ospital.
Minor injuries lang ang tinamo ng ina ng biktima sa shooting incident.
Wala pang inilalabas na Arrest Warrant ang New York Police sa insidente.
Sa ngayon, nagtungo na sa ospital si Philippine Deputy Consul General Arman Talbo para kumustahin ang kalagayan ng mag-ina.
Tiniyak naman ni Cato na sasagutin ng gobyerno ng Pilipinas ang lahat ng gastos.
