Bilang na rin ang oras ng Abu Sayyaf Group o ASG at iba pang teroristang grupo tulad ng Bangsamoro Islamic Freedom Fighters o BIFF.
Ayon kay Armed Forces of the Philippines o AFP Chief of Staff General Eduardo Año, ang Abu Sayyaf sa Basilan at Sulu at BIFF sa Maguindao ang susunod nilang target sa sandaling matapos na ang giyera sa Marawi City.
Kumbinsido si Año na kasabay ng pagbagsak ng Maute-ISIS ay pilay na rin ang iba pang teroristang grupo sa bansa.
“Pero hindi na ito kasing-hirap nitong Maute-ISIS kasi itong mga Abu Sayyaf na ito ay nasa mga bundok nakakuta so yun ang ating susunod na bibigyan ng pansin, tatapusin nating itong Maute-ISIS at BIFF sa loob ng 2017, at masasabi nating degraded na ang grupong ito.” Pahayag ni Año
(Ratsada Balita Interview)
