Opisyal nang nagpahayag ng pagsuporta ang Abu Sayyaf Group sa international terrorist group na Islamic State of Iraq and Syria o ISIS.
Kinumpirma ito ng ASG sa pamamagitan ng isang video na naka- upload sa archived.org noong Enero 4.
Sa naturang video makikita ang may 30 mga armadong kalalakihan sa kabundukan ng Basilan habang nagpapahayag ng kanilang pagsuporta sa ISIS.
Tinukoy din sa nasabing video si Hapilon Alias Abu Abdullah bilang bagong lider ng Harakatul Islamiyah ang bago umanong tawag sa ASG.
Kasama ni Hapilon sa video ang ilang mga opisyal umano ng Isis kabilang si Mohd Najib Husen na sinasabing division head ng Ansar Al – Sharia ng ISIS.
Hindi pa matukoy kung kailan ginawa ang naturang video ngunit inilabas ito isang buwan matapos na ipahayag ng Western Mindanao Command na napatay na si Husen sa isang operasyon sa Basilan.
By Rianne Briones
