Nananatili pa rin sa Marawi City si Abu Sayyaf Leader Isnilon Hapilon na siyang target ng joint law enforcement operation.
Ayon kay Lt. Col. Jo-ar Herrera, tagapagsalita ng First Infantry Division ng Philippine Army, batay sa nakuha nilang intelligence report, namataan si Hapilon at ang grupo nito sa Marawi.
Sa ngayon aniya, naka-focus ang kanilang operasyon sa tatlong (3) barangay na kinabibilangan ng Gandungan, Basak Malulut at Dangan.
Ipinabatid din ni Herrera na hindi bababa sa isanlibo at tatlong daan (1,300) katao ang nananatili ngayon sa Saguiaran Municipal Hall.
Batay sa pinakahuling ulat, limang (5) sundalo at dalawang (2) police official ang napatay at 31 sundalo ang sugatan sa bakbakan sa pagitan ng tropa ng pamahalaan at Maute group sa Marawi City.
By Meann Tanbio
