Handang isoli ni Representative Aniceto “John” Bertiz ang access pass niya sa Ninoy Aquino International Airport (NAIA).
Ayon kay Bertiz, maliban sa pagpapakita ito na sinsero siya sa paghingi ng paumahin, ayaw din niyang madamay pa ang ibang mambabatas na may access pass sa NAIA.
Ipinaliwanag ni Bertiz na ipinakita lamang niya ang kanyang access pass sa security personnel dahil bukod tanging ito ang ID na nasa kanyang bag.
Si Bertiz ay nahaharap ngayon sa imbestigasyon ng House Committee on Ethics matapos itong mambastos ng security personnel sa NAIA na kumuwestyon sa pagtanggi niyang magtanggal ng sapatos na bahagi protocol sa airport.
—-
