Lumutang sa tanggapan ng National Bureau of Investigation o NBI ang aktres na si Alma Concepcion.
Ito ay upang magbigay ng salaysay sa NBI Death Investigation Division hinggil sa Rave party sa Mall of Asia Arena sa Pasay City kung saan limang concert goer ang nasawi dahil sa ilegal na droga
Nabatid na dumalo si Concepcion sa nasabing party para samahan ang menor de edad na anak at limang iba pa.
Sa salaysay ni Concepcion, napansin niya na ang babata ng mga dumalo sa concert at kakaiba ang galaw ng mga ito.
Naluha pa ang aktres nang isalaysay nito na may isang babaeng teenager ang nag-collapse sa kanyang harapan na sa huli ay nakilalang si Bianca Fontejon.
Ipinakita rin nito ang cellphone video na kanyang kuha sa concert.
Gayunman, wala namang nakita si Concepcion na may bentahan ng droga sa concert pero napansin aniya niya na may ilan sa mga dumalo ay ngumunguya kahit walang kinakain, o umiikot ang mga mata.
By: Meann Tanbio
