Nanatili sa mahigit limang libo ang additional covid-19 cases sa bansa.
Sa datos ng Department of Health, umabot sa 5,807 ang karagdagang kaso ng COVID-19 kahapon, kaya’t sumirit sa 2, 752, 667 ang kabuuang kaso habang nasa 63,051 ang active cases.
Mayroon 9,578 na gumaling kaya’t umabot na sa 2, 647, 031 ang total recoveries.
Nasa 65 naman ang pumanaw dahilan upang sumampa sa 41,585 ang death toll.
Samantala, dalawang laboratoryo ang hindi nakapagsumite ng datos sa COVID-19 Document Repository System. —sa panulat ni Drew Nacino
