Inihayag ng Facebook Inc. na apektado na rin ang kanilang advertising sales dahil sa coronavirus outbreak.
Ito’y sa kabila umano ng pagbababad ng mas maraming tao sa social media bunsod ng lockdown dahil sa banta ng COVID-19 sa iba’t-ibang panig ng mundo.
Ayon sa facebook, bumagsak ng isang porsyento ang shares ng kumpanya makalipas ng ilang oras matapos itong umakyat sa 8.7% sa regular trading.
Sinabi ng pamunuan ng facebook na humihina ang kanilang kita sa mga advertisement mula sa mga bansa na gumagawa ng maigting na mga hakbang para labanan ang pagkalat ng COVID-19.
