Isinugod sa Philippine National Police (PNP) General Hospital ngayong umaga si Peter Advincula alias Bikoy.
Ito’y matapos makaramdam ng pagkahilo si Bikoy na sanhi ng pagtaas ng kanyang blood pressure.
Una nang sumuko sa PNP si Bikoy at humingi ng proteksyon para sa kanyang pamilya dahil sa di umano’y banta sa kanilang buhay.
Advincula agad ring nakalabas ng ospital
Agad ring nakalabas ng PNP General Hospital si Peter Advincula alias Bikoy.
Si Bikoy ay nauna nang isinugod sa ospital matapos makaranas ng pagkahilo at paninikip ng dibdib dahil sa pagtaas ng kanyang blood pressure sa 130/90.
Ayon kay Lt. Col. Arnold Ibay, hepe ng PNP-CIDG-NCR, bumuti na ang kalagayan ni Bikoy at normal na rin ang blood pressure nito matapos na makapagpahinga.
Dahil dito, agad ring ibinalik sa custodial facility ng PNP-CIDG si Bikoy.
