Biniberipika na ng Armed Forces of the Philippines ang lumutang na impormasyon kaugnay sa kagustuhan umano ng ilang miyembro ng Maute Terror Group na sumuko sa gobyerno.
Ayon kay A.F.P. Spokesman, Maj. Gen. Restituto Padilla, patuloy nilang inaalam ang tunay na bilang ng mga nais umanong sumuko at kung totoong mga miyembro sila ng teroristang grupo.
Kailangan aniyang makumpirma ang naturang ulat dahil may ilang bihag na pinilit lamang ng Maute na makipagbakbakan sa tropa ng pamahalaan.
Iginiit naman ni Padilla na kung may makikitang senyales na mayroong gustong sumuko sa pamamagitan ng pagpapakita ng puting watawat ay irerespeto nila ito.
Ulat ni Jopel Pelenio
SMW: RPE
