Nagpasalamat si Armed Forces of the Philippines o AFP Chief of Staff General Rey Leonardo Guerrero sa Pangulong Rodrigo Duterte sa patuloy na tiwala sa kaniya.
Kasunod na din ito nang pagpapalawig ng Pangulong Duterte sa termino ni Guerrero.
Ayon kay AFP PIO Chief Colonel Edgard Arevalo, malaking bagay ang term extension ni Guerrero para maipatupad ang iba pang mahahalagang programa lalo na’t nahaharap sa banta ng mga terorista at komunistang grupo ang bansa.
Isa din aniyang oportunidad ang term extension para mapabilis ang pag – upgrade sa kapasidad ng AFP sa hangaring maging world class armed forces.
Magugunitang nilagdaan na ni Pangulong Rodrigo Duterte ang pagpapalawig sa termino ng kasalukuyang Chief of Staff ng Armed Forces of the Philippines o AFP na si General Rey Leonardo Guerrero.
