Hinamon ni Armed Forces of the Philippines Chief of Staff Gen. Hernando Iriberri ang mga nag aakusa sa militar na nasa likod umano ng pagpatay sa mga lider ng lumad na patunayan ang kanilang mga akusasyon.
Sinabi ni Iriberri na hindi maaring gawing basehan ng akusasyon ang mga pahayag na mayroon umanong nakitang unipormadong lalaki sa lugar ng pagpaslang sa mga lumad dahil napakadali lamang makakuha ng uniporme.
Iginiit din ni Iriberri na maliban sa wala silang kinalaman sa mga pagpaslang, tanging ang Citizen Armed Force Geographical Unit (CAFGU) lang din ang kanilang paramilitary unit.
By: Katrina Valle | Jonatahan Andal
