Nakahandang magrekomenda si Armed Forces of the Philippines Chief of Staff General Eduardo Año kay Pangulong Rodrigo Duterte ng mga pangalan na posibleng humalili sa kanyang pwesto.
Ayon kay Año , ito ay bilang paghahanda sa kanyang nalalapit na pagreretiro bilang pinuno ng sandatahang lakas sa Oktubre 26.
Ngunit tumanggi muna si Año na sabihin kung sino ang mga ito ngunit tiniyak na ang kanyang mga kandidato ay 3 – star rank.
Nauna rito , sinabi ni Pangulong Duterte na nais niya sanang gawing kalihim ng DILG o Department of Interior and Local Government si Año ngunit ipinagpaliban ito upang maresolba ang kaguluhan sa Marawi.
SMR: RPE
