Isang sundalo ang patay habang 13 iba pa ang sugatan sa ikinasang operasyon upang mahuli ang Abu Sayyaf at ISIS-Maute leader na si Isnilon Hapilon sa Marawi City.
Batay sa intelligence information ng militar, nagtatago sa isang mosque sa loob ng main battle area si Hapilon.
Kahapon nang madaling araw nang ilunsad ang operasyon na tumagal ng umaga upang mahuli ang terrorist leader, buhay man o patay.
Dahil dito, umakyat na sa 847 ang nasawi sa mahigit apat na buwang bakbakan.
Samantala, magpapadala ang Armed forces Of the Philippines ng karagdagang animnapung libo hanggang walumpung libong sundalo sa Marawi upang matiyak na hindi na makalalabas ng lungsod ang kalaban at mapigilan mga magtatangkang tumulong sa kanila.
SMW: RPE
