Umapela ang AFP o Armed Forces of the Philippines sa publiko na nais magpaabot ng tulong para sa mga sundalong nakikipagbakbakan sa mga teroristang Maute sa Marawi City.
Ito’y makaraang bumabaja ng iba’t ibang kagamitan tulad ng tabo, pajama at mga personal na bagay bilang donasyon para sa mga sugatang sundalo na nasa iba’t ibang pagamutan.
Paki-usap ni General Torre Lavega, commanding officer ng V.Luna Medical Center, sa halip na mga gamit, pera na lamang ang ipadala upang ipang tulong sa pamilya ng mga sugatang sundalo.
Sa panig naman ni AFP Spokesman Brig/Gen. Restituto Padilla, nagbukas na sila ng mga bank account para sa pamilya ng mga napatay at sugatang sundalo sa pamamagitan ng Land Bank.
Bukas din ang AFP sa pagtanggap ng mga nais bumisita sa mga sugatang sundalo upang mapataas ang kanilang morale mula sa masalimuot na bakbakan.
Kinakailangan lamang makipag-ugnayan sa mga personnel ng V. L.una Medical Center para sa nais magbigay ng mga suporta, morale man o pinansyal para sa mga sugatang kawal.
By: Jaymark Dagala / Aileen Taliping
