Nananatiling nasa normal o ‘white alert’ ang Armed Forces of the Philippines (AFP) sa Metro Manila.
Ito’y sa kabila ng inanunsiyo ng Philippine National Police (PNP) na nakataas ang ‘terror alert level 3’ sa bansa.
Paliwanag ni AFP Spokesman Brig. Gen. Restituto Padilla, saklaw ng PNP ang mga lungsod at suporta lamang ang ginagawa ng militar.
Sinabi ni Padilla na nakahanda naman ang Joint Task Force National Capital Region ng AFP na umayuda sa PNP sa pagbabantay sa kalakhang Maynila kung kakailanganin.
Muling nagpaalala ang afp Sa publiko na maging mapagmatyag at agad na iparating sa mga awtoridad ang mga makikitang kahina-hinalang tao o bagay.
By Jelbert Perdez
