Positibo ang Armed Forces of the Philippines (AFP) na matutunton na nila ang kinaroroonan ng Abu Sayyaf na may hawak ng 2 dayuhang bihag at isang Pinay na dinukot nila sa Samal Island noong nakaraang taon.
Ayon kay Brig. Gen. Restituto Padilla, Spokesman ng AFP, lumiliit na ang espasyong ginagalawan ng Abu Sayyaf dahil sa walang humpay na operasyon ng militar at pulis.
Tiniyak ni Padilla na hindi titigil ang kanilang focused operations hanggang hindi napapanagot ang Abu Sayyaf.
By Len Aguirre | Jonathan Andal (Patrol 31)
