Hindi inaasahan ng aktor na si Aga Muhlach ang mainit na pagtanggap ng mga manonood sa kanilang pelikulang Miracle In Cell Number 7 sa unang araw pa lamang pagpapalabas nito bilang bahagi ng 2019 Metro Manila Film Festival (MMFF).
Sa kanyang instagram post, pinasalamatan ni Aga ang lahat ng mga nanood na sa kanilang pelikula.
Aniya, isang napakalaking himala na madami ang nanood at nais manood sa pinoy adaptation ng Korean movie na ‘Miracle In Cell Number 7’.
Ni-repost din ni Aga ang reaksyon ng isang netizen na nakapanood na ng kanilang pelikula.
Ayon sa post, may ilang bahagi ng pelikula ang mas maganda pa rin ang orihinal pero mas nakakatawa anito ang bersyon ng Pilipinas kaya mas na-enjoy nila itong panoorin.
Sa ngayon, pumapangalawa ang ‘Miracle In Cell Number 7’ sa dami ng mga nanonood sa pelikula nina Vice Ganda at Anne Curtis na ‘The Mall, The Merrier’.
View this post on InstagramI am truly humbled Maraming salamat talaga sa inyong lahat!!! #miraclesdohappen #noodnapo
