Tiwala ang Philippine National Police o PNP na kaagad maaaresto ang nakilala nang suspek sa pagpaslang sa Deputy Chief of Police ng Cainta, Rizal.
Sinabi sa DWIZ ni PNP Spokesman Chief Superintendent John Bulalacao na puspusan ang manhunt operations laban kay Robin Gomez alyas Ruben Tae na nakapatay kay Senior Inspector Jimmy Senosin.
Ayon kay Bulalacao, ang naturang suspek ay kilalang notorious criminal na sangkot sa holdapan ng mga bus sa EDSA, nakawan sa kanilang lugar sa Cainta at pagtutulak ng iligal na droga.
“May posibilidad na nakaalis na pero gayupaman ang ating mga Kapulisan sa Region 4-A ay hindi titigil hanggat hindi ito mahuli, tutal kilala naman po siya, may mga pictures so talagang mahuhuli ito.” Ani Bulalacao
Matatandaang Linggo ng gabi nang mapatay sa isinagawang police anti-drug operation si Senosin sa bahagi ng Floodway, Cainta Rizal kung saan naka-engkwentro nila ang mga drug suspects.
(Ratsada Balita Interview)
